ಇಷ್ಟು ದಿನಗಳ ಕಾಲ ಪ್ರಧಾನಮಂತ್ರಿ ಆವಾಸ್ ಯೋಜನೆಗೆ ಅರ್ಜಿ ಸಲ್ಲಿಸುವುದು ಸ್ಟಾಪ್ ಆಗಿತ್ತು ಆದರೆ ಈಗ ಮತ್ತೆ ದಿನಾಂಕವನ್ನು ಮುಂದಕ್ಕೆ ಹಾಕಿದ್ದಾರೆ ಅಂದರೆ ಮಾರ್ಚ್ 31, 2021 ರ ವರೆಗೂ ಕೂಡ ನೀವು ಅರ್ಜಿಯನ್ನು ಸಲ್ಲಿಸಬಹುದಾಗಿದೆ. ನೀವೇನಾದರೂ ಮನೆ ನಿರ್ಮಾಣ ಮಾಡಬೇಕು ಅಂತ ಅಂದು ಕೊಂಡಿದ್ದರೆ ಪ್ರಧಾನಮಂತ್ರಿ ಆವಾಸ್ ಯೋಜನೆಗೆ ಅರ್ಜಿ ಸಲ್ಲಿಸಿ 6 ರಿಂದ 12 ಲಕ್ಷದ ವರೆಗೆ ಸಾಲ ಸೌಲಭ್ಯವನ್ನು ಪಡೆಯಬಹುದು. ಇಲ್ಲಿ ನಿಮಗೆ ಸಾಲ ನೀಡುವುದರ ಜೊತೆಗೆ 2,67,000 ರೂಪಾಯಿ ಸಹಾಯ ಧನವನ್ನು ಕೂಡ ನೀಡುತ್ತಾರೆ. ಪ್ರಧಾನ ಮಂತ್ರಿ ಆವಾಸ್ ಯೋಜನೆಯಲ್ಲಿ ನಿಮಗೆ ನಾಲ್ಕು ವಿಧಾನದಲ್ಲಿ ಸಾಲ ಸೌಲಭ್ಯ ದೊರೆಯುತ್ತದೆ. ಇಲ್ಲಿ ನಾಲ್ಕು ಕ್ಯಾಟಾಗೊರಿ ಇರುತ್ತದೆ ಅದು ಯಾವುದು ಎಂದು ನೋಡುವುದಾದರೆ. EWS, LIG, MIG 1st, MIG 2nd ಎಂಬ ನಾಲ್ಕು ವರ್ಗ ಕಾಣಬಹುದು.

ಅಂದರೆ ನಿಮ್ಮ ವಾರ್ಷಿಕ ವರಮಾನ ಒಂದರಿಂದ ಮೂರು ಲಕ್ಷದವರೆಗೆ ಇದ್ದರೆ ನೀವು ಇ.ಡಬ್ಲ್ಯೂ.ಎಸ್ ಕ್ಯಾಟಗರಿಯಲ್ಲಿ ನೀವು ಅರ್ಜಿಯನ್ನು ಸಲ್ಲಿಸಬಹುದು. ಒಂದು ವೇಳೆ ನಿಮ್ಮ ವಾರ್ಷಿಕ ವರಮಾನ ಮೂರು ಲಕ್ಷದಿಂದ ಐದು ಲಕ್ಷದವರೆಗೆ ಇದ್ದರೆ ನೀವು ಎಲ್.ಐ.ಜಿ ಕ್ಯಾಟಗರಿಯಲ್ಲಿ ಸಾಲ ಸೌಲಭ್ಯವನ್ನು ಪಡೆಯಬಹುದು. ನಂತರ ಆರರಿಂದ ಹನ್ನೆರಡು ಲಕ್ಷದವರೆಗೆ ನಿಮ್ಮ ವಾರ್ಷಿಕ ಆದಾಯ ಇತ್ತು ಅಂದರೆ ನೀವು ಎಮ್.ಐ.ಜಿ ಫಸ್ಟ್ ಕ್ಯಾಟಗರಿಯಲ್ಲಿ ಸಾಲ ಸೌಲಭ್ಯ ಪಡೆಯುವುದಕ್ಕೆ ಅರ್ಹತೆಯನ್ನು ಹೊಂದಿರುತ್ತಿರ. ಒಂದು ವೇಳೆ ನಿಮ್ಮ ವಾರ್ಷಿಕ ವರಮಾನ 12 ಲಕ್ಷದಿಂದ 18 ಲಕ್ಷದ ವರೆಗೆ ಇತ್ತು ಎಂದರೆ ನೀವು ಎಂ.ಐ.ಜಿ ಸೆಕೆಂಡ್ ಕ್ಯಾಟಗರಿಯಲ್ಲಿ ನೀವು ಸಾಲ ಸೌಲಭ್ಯವನ್ನು ಪಡೆಯುವುದಕ್ಕೆ ಅರ್ಹತೆಯನ್ನು ಹೊಂದಿರುತ್ತಿರ.